ក្រុមហ៊ុន អ៊ីអន ម៉ល (ខេមបូឌា) ឡូជី ផ្លាស​ ឯ.ក (តទៅនេះហៅថា "ក្រុមហ៊ុន") យល់ច្បាស់ពីភាពសំខាន់នៃការការពារព័ត៌មានជាលក្ខណៈឯកជនរបស់អតិថិជន និងគោរពតាមកាតព្វកិច្ចនៃការការពារព័ត៌មានជាលក្ខណៈឯកជនដោយអនុលោមតាមច្បាប់ និងបទដ្ឋានគត្តិយុត្តិរបស់ប្រទេសកម្ពុជា (តទៅនេះហៅថា "បទប្បញ្ញត្តិការពារព័ត៌មានជាលក្ខណៈឯកជន" )។ ដោយអនុលោមតាមគោលការណ៍ឯកជនភាពនេះ (តទៅនេះហៅថា "គោលការណ៍ឯកជនភាពនេះ") យើងខ្ញុំនឹងព្យាយាមរក្សា និងការពារពត៌មានឱ្យបានត្រឹមត្រូវបំផុត។

1.    និយមន័យនៃព័ត៌មានជាលក្ខណៈឯកជន

នៅក្នុងគោលការណ៍ឯកជនភាពនេះ ព័ត៌មានជាលក្ខណៈឯកជនមានន័យថា ព័ត៌មានអំពីការរស់នៅរបស់បុគ្គល ដែលរួមមានទាំងឈ្មោះ ថ្ងៃខែឆ្នាំកំណើត និងព័ត៌មានផ្សេងៗទៀត។ បុគ្គលម្នាក់អាចកំណត់អត្តសញ្ញាណជាក់លាក់បានដោយការពិពណ៌នា (រួមទាំងព័ត៌មានដែលអាចប្រៀបធៀបបានយ៉ាងងាយស្រួលជាមួយព័ត៌មានផ្សេងទៀត ដែលជាហេតុអាចកំណត់អត្តសញ្ញាណបុគ្គលជាក់លាក់) ឬលេខអត្តសញ្ញាណផ្ទាល់ខ្លួនដែលមានព័ត៌មានអាចកំណត់បាន។

2.    គោលបំណងនៃការប្រើប្រាស់ព័ត៌មានជាលក្ខណៈឯកជន

យើងខ្ញុំប្រើប្រាស់ព័ត៌មានជាលក្ខណៈឯកជនក្នុងគោលបំណងដូចខាងក្រោម៖

(1)   ដើម្បីផ្គត់ផ្គង់ទំនិញ និងសេវាកម្ម (ហៅជារួមថា "សេវាកម្មយើងខ្ញុំ") របស់ក្រុមហ៊ុន និងសាខា  (មានកំណត់ក្នុងប្រការ ៨.១ នៃគោលការណ៍ឯកជនភាពនេះ)។

(2)   ដើម្បីផ្តល់ព័ត៌មាន និងឆ្លើយតបសំណួរពាក់ព័ន្ធនឹងសេវាកម្មយើងខ្ញុំ (រួមទាំងការផ្សព្វផ្សាយសេវាកម្មយើងខ្ញុំ ឬសកម្មភាពផ្សព្វផ្សាយផ្សេងៗទៀត)។

(3)   ដើម្បីឆ្លើយតបទៅនឹងការបំពានលក្ខខណ្ឌ និងគោលការណ៍របស់ក្រុមហ៊ុន និងសាខា ទាក់ទងនឹងសេវាកម្មរបស់ក្រុមហ៊ុន (តទៅនេះហៅថា "លក្ខខណ្ឌ")។

(4)   ដើម្បីជូនដំណឹងអំពីការផ្លាស់ប្តូរបញ្ញត្តិ និងលក្ខខណ្ឌនៃសេវាកម្មយើងខ្ញុំ។

(5)   ដើម្បីជួយកែលម្អសេវាកម្មយើងខ្ញុំ និងអភិវឌ្ឍន៍សេវាកម្មថ្មីៗសម្រាប់ក្រុមហ៊ុន និងសាខាក្រុមហ៊ុនយើងខ្ញុំ។

(6)   ដើម្បីបង្កើតជាទិន្នន័យស្ថិតិពាក់ព័ន្ធនឹងសេវាកម្មយើងខ្ញុំក្នុងទម្រង់ដែលមិនអាចកំណត់អត្តសញ្ញាណបុគ្គលជាក់លាក់។

(7)   សម្រាប់គោលបំណងផ្សេងទៀតដែលទាក់ទងនឹងគោលបំណងប្រើប្រាស់ដូចមានរៀបរាប់ខាងលើ។

3.    ការផ្លាស់ប្តូរគោលបំណងនៃការប្រើប្រាស់ព័ត៌មានជាលក្ខណៈឯកជន

ក្រុមហ៊ុនអាចផ្លាស់ប្តូរគោលបំណងនៃការប្រើប្រាស់ព័ត៌មានជាលក្ខណៈឯកជននៅក្នុងកម្រិតមួយដែលសមស្រប ហើយក្រុមហ៊ុននឹងជូនដំណឹង ឬប្រកាសជូនអតិថិជនក្នុងករណីដែលមានការផ្លាស់ប្តូរ។

4.    ការហាមឃាត់សម្រាប់ការប្រើប្រាស់ព័ត៌មានជាលក្ខណៈឯកជន

យើងខ្ញុំនឹងមិនប្រើប្រាស់ព័ត៌មានជាលក្ខណៈឯកជនលើសពីវិសាលភាពចាំបាច់ ដើម្បីសម្រេចបាននូវគោលបំណងនៃការប្រើប្រាស់ដោយមិនមានការយល់ព្រមពីអតិថិជនឡើយ លើកលែងតែត្រូវបានអនុញ្ញាតដោយច្បាប់ជាធរមានពាក់ព័ន្ធនឹងការការពារព័ត៌មានជាលក្ខណៈឯកជន។ ទោះយ៉ាងណាក្ដី​ បញ្ញត្តិហាមឃាត់នេះមិនអនុវត្ត ចំពោះករណីដូចមានចែងខាងក្រោម៖

(1)   ត្រូវបានកំណត់ដោយច្បាប់។

(2)   នៅពេលដែលមានភាពចាំបាច់ក្នុងការការពារអាយុជីវិតមនុស្ស រូបរាងកាយ ឬទ្រព្យសម្បត្តិ ហើយពិបាកក្នុងការស្នើសុំការយល់ព្រមពីអតិថិជន។

(3)   នៅពេលចាំបាច់ដើម្បីលើកស្ទួយវិស័យសុខភាពសាធារណៈ ឬលើកកម្ពស់ការអភិវឌ្ឍន៍របស់កុមារ ហើយពិបាកក្នុងការស្នើសុំការយល់ព្រមពីអតិថិជន។

(4)   ក្នុងករណីដែលចាំបាច់សម្រាប់ស្ថាប័នជាតិ ឬអង្គភាពសាធារណៈក្នុងស្រុក ឬបុគ្គលចាត់តាំងដោយរដ្ឋាភិបាលក្នុងកិច្ចសហប្រតិបត្តិការអនុវត្តកិច្ចការដែលមានចែងដោយច្បាប់ និងបទដ្ឋានគត្តិយុត្តិ និងអនុវត្តកិច្ចការដោយមានការយល់ព្រមពីអតិថិជនប្រសិនបើមានបញ្ហាហានិភ័យអាចកើតឡើង។

5.    ការទទួលបានព័ត៌មានជាលក្ខណៈឯកជនដោយសមស្រប

យើង​ខ្ញុំនឹង​ទទួល​យកព័ត៌មាន​ជាលក្ខណៈឯកជនដោយសមស្រប ហើយ​នឹង​មិន​ទទួលយកតាម​ការ​បោក​បញ្ឆោត ឬ​តាមរយៈមធ្យោបាយ​ខុស​ច្បាប់​ផ្សេងៗឡើយ។

6.    សុវត្ថិភាពក្នុងការគ្រប់គ្រងព័ត៌មានជាលក្ខណៈឯកជន

យើងខ្ញុំនឹងផ្តល់ភាពសំខាន់ក្នុងការត្រួតពិនិត្យបុគ្គលិករបស់យើងខ្ញុំ ដើម្បីឱ្យព័ត៌មានជាលក្ខណៈឯកជនអាចត្រូវបានគ្រប់គ្រងដោយសុវត្ថិភាពពីហានិភ័យដែលមានដូចជា ការបាត់បង់ ការបំផ្លិចបំផ្លាញ ការក្លែងបន្លំ និងការលេចធ្លាយព័ត៌មានជាលក្ខណៈឯកជន។ លើសពីនេះ នៅពេលផ្តល់ព័ត៌មានជាលក្ខណៈឯកជនទាំងអស់ ឬមួយផ្នែក ក្រុមហ៊ុននឹងផ្តល់ការត្រួតពិនិត្យចាំបាច់ និងសមស្រប ដើម្បីឱ្យព័ត៌មានជាលក្ខណៈឯកជនអាចត្រូវបានគ្រប់គ្រងដោយសុវត្ថិភាពដោយដៃគូសហការ។

យើងខ្ញុំអាចនឹងរក្សាទុកព័ត៌មានជាលក្ខណៈឯកជននៅក្នុងម៉ាស៊ីនរក្សាទុកទិន្នន័យមេ ដែលគ្រប់គ្រងដោយប្រតិបត្តិករក្នុងប្រទេសកម្ពុជា។ ដើម្បីធានាថាព័ត៌មានជាលក្ខណៈឯកជនត្រូវបានគ្រប់គ្រងដោយសុវត្ថិភាពដោយប្រតិបត្តិករ យើងខ្ញុំមានបំណងប្រមូលព័ត៌មានតាមនីតិវិធីដែលបានកំណត់សម្រាប់ការការពារព័ត៌មានជាលក្ខណៈឯកជននៅក្នុងប្រទេសកម្ពុជា និងដើម្បីគ្រប់គ្រងព័ត៌មានជាលក្ខណៈឯកជនអោយបានតឹងរ៉ឹង រួមទាំងការកំណត់បុគ្គលដែលមានសិទ្ធិចូលប្រើប្រាស់ម៉ាស៊ីនរក្សាទុកទិន្នន័យមេបាន។

7.    ការផ្តល់ព័ត៌មានទៅតតិយជន

យើងខ្ញុំនឹងមិនផ្តល់ព័ត៌មានជាលក្ខណៈឯកជន ដល់តតិយជនដោយគ្មានការយល់ព្រមជាមុនពីអតិថិជនទេ លើកលែងតែអនុញ្ញាតដោយច្បាប់ជាធរមានរបស់ប្រទេសកម្ពុជា។ ទោះយ៉ាងណាក៏ដោយ ករណីខាងក្រោមមិនចាត់ទុកថាជាការផ្ដល់ព័ត៌មានទៅតតិយជនទេ។

(1)  នៅពេលដែលក្រុមហ៊ុនផ្ដល់ព័ត៌មានជាលក្ខណៈឯកជន ដោយសារការផ្ដល់ព័ត៌មានជាលក្ខណៈឯកជនទាំងអស់ ឬមួយផ្នែកក្នុងកម្រិតគោលបំណនៃការប្រើប្រាស់តែប៉ុណ្ណោះ។

(2)  នៅពេលដែលព័ត៌មានជាលក្ខណៈឯកជនត្រូវបានផ្ទេរ ទាក់ទងនឹងការស្នងអាជីវកម្ម ដោយសារការរំលាយក្រុមហ៊ុនបញ្ចូលគ្នា ឬហេតុផលផ្សេងទៀត

(3)  នៅពេលមានការប្រើប្រាស់រួមគ្នា ដែលអនុលោមតាមបទប្បញ្ញត្តិច្បាប់ពាក់ព័ន្ធនឹងការការពារព័ត៌មានជាលក្ខណៈឯកជន។

(4)  នៅពេលដែលអតិថិជនប្រើការទូទាត់ប្រាក់តាមរយះកាតឥណទាន។

8.    ការរួមចំណែកប្រើប្រាស់ព័ត៌មានជាលក្ខណៈឯកជន

(1)   យើងខ្ញុំនឹងប្រើប្រាស់ព័ត៌មានជាលក្ខណៈឯកជនរួមគ្នាជាមួយដៃគូសហការ ដែលចូលរួមក្នុងដំណើរការគេហទំព័រ/កម្មវិធី ដំណើរការអាជីវកម្ម ឬតម្រូវការចាំបាច់ផ្សេងទៀតចំពោះសេវាកម្មយើងខ្ញុំ។

(2)   ព័ត៌មានដែលប្រើរួមគ្នាគឺជាព័ត៌មានជាលក្ខណៈឯកជនដែលក្រុមហ៊ុនទទួលបានពីអតិថិជន មានដូចជាឈ្មោះ អាសយដ្ឋាន លេខទូរស័ព្ទ អាសយដ្ឋានអ៊ីម៉ែល អាយុ ភេទ ប្រវត្តិទិញ/លក់ទំនិញ។ល។

(3)   គោលបំណងនៃការរួមចំណែកប្រើប្រាស់ គឺដូចគ្នាទៅនឹងគោលបំណងនៃការប្រើប្រាស់ដូចមានចែងក្នុងប្រការ ៨.២។

(4)   ភាគីដែលទទួលខុសត្រូវលើការគ្រប់គ្រងព័ត៌មានជាលក្ខណៈឯកជនដែលបានរួមគ្នាប្រើប្រាស់ គឺ ក្រុមហ៊ុន​​ អ៊ីអន ម៉ល (ខេមបូឌា) ឡូជី ផ្លាស ឯ.ក។

9.    ការបង្ហាញព័ត៌មានជាលក្ខណៈឯកជន

នៅពេលដែលអតិថិជនស្នើសុំបង្ហាញព័ត៌មានជាលក្ខណៈឯកជនដោយផ្អែកលើបទប្បញ្ញត្តិច្បាប់ជាធរមាន យើងខ្ញុំនឹងបង្ហាញជូនអតិថិជនភ្លាមៗបន្ទាប់ពីពិនិត្យឃើញថាសំណើនោះពិតជាស្នើដោយអតិថិជនប្រាកដមែន។ (ប្រសិនបើព័ត៌មានជាលក្ខណៈឯកជនដែលពាក់ព័ន្ធនោះមិនមានទេ យើងខ្ញុំនឹងជូនដំណឹងតបវិញ)។ ទោះជាយ៉ាងណាក៏ដោយ បញ្ញត្តិនេះមិនអនុវត្តទេ ប្រសិនបើក្រុមហ៊ុនមិនមានកាតព្វកិច្ចបង្ហាញពត៌មានក្រោមបទប្បញ្ញត្តិច្បាប់ដែលពាក់ព័ន្ធ។

10. ការកែតម្រូវព័ត៌មានជាលក្ខណៈឯកជន

ប្រសិនបើអតិថិជនស្នើសុំធ្វើការកែតម្រូវ បន្ថែម ឬលុបខ្លឹមសារ (តទៅនេះហៅថា "ការកែតម្រូវ") ដោយផ្អែកលើបទប្បញ្ញត្តិច្បាប់ជាធរមានណាមួយដោយសារព័ត៌មានជាលក្ខណៈឯកជនមិនត្រឹមត្រូវ ហើយបន្ទាប់ពីពិនិត្យឃើញថា សំណើនោះពិតជាស្នើដោយអតិថិជនប្រាកដមែន និងក្នុងវិសាលភាពចាំបាច់ក្នុងគោលបំណងនៃការប្រើប្រាស់ យើងខ្ញុំនឹងធ្វើការត្រួតពិនិត្យភ្លាមៗ ហើយផ្អែកលើលទ្ធផលជាក់ស្ដែង យើងខ្ញុំនឹងកែតម្រូវខ្លឹមសារនៃព័ត៌មានជាលក្ខណៈឯកជន ហើយយើងខ្ញុំនឹងជូនដំណឹងតបវិញ (ប្រសិនបើអតិថិជនសម្រេចចិត្តមិនធ្វើការកែតម្រូវ យើងខ្ញុំនឹងជូនដំណឹងតបវិញ) ទោះជាយ៉ាងណាក៏ដោយ បញ្ញត្តិនេះមិនត្រូវអនុវត្តទេ ប្រសិនបើក្រុមហ៊ុនមិនមានកាតព្វកិច្ចធ្វើការកែតម្រូវស្របតាមច្បាប់ជាធរមាន ។

11. ការផ្អាកប្រើប្រាស់ព័ត៌មានជាលក្ខណៈឯកជន

ប្រសិនបើអតិថិជនស្នើសុំឱ្យក្រុមហ៊ុនផ្អាកការប្រើប្រាស់ ឬលុបព័ត៌មានជាលក្ខណៈឯកជនរបស់អតិថិជនចេញ ឬបញ្ឈប់ការផ្ដល់ពត៌មានទៅតតិយជន (តទៅនេះហៅថា "បញ្ឈប់ការប្រើប្រាស់។ល។") ដោយផ្អែកលើបទប្បញ្ញត្តិច្បាប់ជាធរមាន ដោយសារក្រុមហ៊ុនបានប្រើប្រាស់ព័ត៌មានជាលក្ខណៈឯកជនរបស់អតិថិជនលើសពីវិសាលភាពនៃគោលបំណងនៃការប្រើប្រាស់ដែលត្រូវបានបង្ហាញដល់សាធារណៈ ឬក្រុមហ៊ុនទទួលបានព័ត៌មានជាលក្ខណៈឯកជនរបស់អតិថិជនដោយមធ្យោបាយមិនពិត ឬខុសច្បាប់ណាមួយ ហើយបន្ទាប់ពីពិនិត្យឃើញថា សំណើនោះពិតជាស្នើដោយអតិថិជនប្រាកដមែន យើងខ្ញុំនឹងបញ្ឈប់ការប្រើប្រាស់ និងជូនដំណឹងដល់អតិថិជនអំពីអានុភាពនេះ។ ទោះជាយ៉ាងណាក៏ដោយ បញ្ញត្តិនេះមិនត្រូវអនុវត្តចំពោះករណីដែលមិនមែនជាកាតព្វកិច្ចរបស់ក្រុមហ៊ុនក្នុងការផ្អាកប្រើប្រាស់ ស្របតាមបទប្បញ្ញត្តិច្បាប់នោះទេ។

12. ការប្រើប្រាស់ Cookies និងបច្ចេកវិទ្យាផ្សេងៗទៀត

សេវាកម្មយើងខ្ញុំអាចប្រើប្រាស់ និងផ្ទុក Cookies និងបច្ចេកវិទ្យាប្រហាក់ប្រហែល។ បច្ចេកវិទ្យាទាំងនេះជួយយើងខ្ញុំឱ្យកំណត់អំពីស្ថានភាពនៃការប្រើប្រាស់សេវាកម្មយើងខ្ញុំ និងរួមចំណែកក្នុងការកែលម្អសេវាកម្មយើងខ្ញុំ។ អ្នកប្រើប្រាស់ដែលមានបំណង់បិទ Cookies អាចបិទ Cookies បាន ដោយផ្លាស់ប្តូរការកំណត់តាមរយៈ Web Browser ដែលខ្លួនប្រើប្រាស់។ ទោះយ៉ាងណាក៏ដោយ ប្រសិនបើអ្នកប្រើប្រាស់បិទ Cookies អ្នកប្រើប្រាស់មិនអាចប្រើមុខងារមួយចំនួនក្នុងសេវាកម្មយើងខ្ញុំបានទេ។ 

13. ទំនាក់ទំនងមកកាន់យើងខ្ញុំ

ប្រសិនបើប្រើប្រាស់មានបំណងស្នើឱ្យបង្ហាញ ផ្ដល់មតិយោបល់ មានសំណួរ តវ៉ាទាមទារ ឬសាកសួរពត៌មានផ្សេងៗទាក់ទងនឹងការគ្រប់គ្រងព័ត៌មានជាលក្ខណៈឯកជន សូមទំនាក់ទំនងមកយើងខ្ញុំតាមពត៌មានដូចខាងក្រោម។

ភូមិ៣ សង្កាត់៣ ក្រុងព្រះសីហនុ ខេត្តព្រះសីហនុ ប្រទេសកម្ពុជា

ក្រុមហ៊ុន អ៊ីអន ម៉ល (ខេមបូឌា) ឡូជី ផ្លាស ឯ.ក

ប្រធានផ្នែកគ្រប់គ្រងទូទៅនៃនាយកដ្ឋានរដ្ឋបាល

ទូរស័ព្ទ: 023-988-200

អ៊ីម៉ែល: logiplus@aeonmall-kh.com 

(ម៉ោងធ្វើការចាប់ពីម៉ោង 9:00 ដល់ 18:00 នៃថ្ងៃធ្វើការ)

14. ការបន្ថែមការកែលម្អ

ក្រុមហ៊ុននឹងពិនិត្យមើលស្ថានភាពប្រតិបត្តិការទាក់ទងនឹងការគ្រប់គ្រងព័ត៌មានជាលក្ខណៈឯកជនរៀងរាល់ពេល និងខិតខំកែលម្អជាបន្តបន្ទាប់ ហើយយើងខ្ញុំអាចនឹងកែប្រែគោលការណ៍ឯកជនភាពនេះទៅតាមតម្រូវការចាំបាច់។